09:39 م
الأربعاء 21 يونيو 2023
طمأن الفنان هاني شاكر، جمهوره ومحبيه على حالته الصحية بعد إجراءه عملية استئصال جزء من القولون، كاشفا تفاصيل العملية.
وقال شاكر، خلال فيديو نشره عبر صفحته الرسمية بموقع التواصل الإجتماعي”إنستجرام”: “حبيت أشكر كل الناس اللي كلمتني وبعتتلي ورد واهتمت بموضوع العملية الأخيرة اللي عملتها وأنا الحقيقة أسف جدا إني سببت لهم قلق وخوف عليا مش مقصود والله كل همي بالخبر اللي نزل إني أشكر الدكتور طارق يوسف وفريق المعاونين الدكاترة اللي عملولي العملية بمنتهى النجاح مش قصدي إني أزعجكم وأضايقكم أبدا فمعلش حقكم عليا”.
ووجه الشكر لهؤلاء قائلا: “بشكر كل الناس اللي بعتتلي ورد وكلمتني من كل أنحاء العالم العربي وبعتولي رسايل بشكركوا جدا من كل قلبي وبشكر ربنا سبحانه تعالى إنه عمل الموضوع ده عشان يحسسني قد إيه انتوا بتحبوني وبتخافوا عليا”.
وكشف تفاصيل العملية، قائلا: “الموضوع بسيط الحمد لله وأنا عشان كده أصريت إني أطلعلكوا النهاردة وأطمنكوا عشان في ناس افتكرت إن الموضوع كبير هو الحقيقة أنا كان عندي جيوب في القولون وفي جزء من القولون كنت محتاج أشيله من فترة طويلة بس أنا كنت بأجل الموضوع ده كل شوية لحد ما ابتدى كل فترة يسببلي تعب في معدتي وفي القولون وانتفاخات وكده فقررت إن أنا أعمل عملية واستئصل الجزء اللي فيه إلتهابات ده والحمد لله تمت العملية بنجاح”.
واختتم حديثه: “ربنا ما يحرمني منكم أبدا ويخليكوا ليا وتاني بشكر كل الجمهور والإعلام وكل الناس اللي كلمتني من جميع أنحاء العالم العربي ربنا يخليكوا ليا وما يحرمني منكوا ولا من حبكوا ويارب دايما نبقى كلنا في أحسن حال وفي أحسن صحة”.
