03:49 م
الأحد 27 أغسطس 2023
القاهرة مصراوي:
عادت من جديد الممثلة الشابة منى فاروق للظهور لجمهورها عبر حسابها على موقع انستجرام، ونشرت فيديو، أكدت من خلاله أنها لم تقصد اعتزال الفن، وقت حديثها منذ فترة عن مرورها بأزمة نفسية، ولكنها قصدت اعتزال مواقع التواصل الاجتماعي.
وقالت منى “آسفة إني غبت عنكم الفترة دي، كنت محتاجة فترة مع نفسي عشان أرجع أحسن من الأول، وكنت بمر بظروف نفسية سيئة جدا، حبكم بشكركم عليه ودعمكم ليا وسؤالكم عني، وشكرا لكل إنسان كتب كلمة حلوة عني”.
وتابعت “وبشكر أهلي وأمي وأخويا وكل أصحابي وكل الزملا ودكتور أشرف زكي، اللي لولاهم مكنتش عديت من المرحلة الصعبة اللي مريت بيها، وإن شاء الله اللي جاي احسن وبمناسبة الفن أنا معتزلتش الفن، أنا كنت أقصد أعتزل السوشيال ميديا لأنها كانت مرهقة جدا بالنسبالي”.
وعلقت منى على الفيديو وكتبت “شكرًا على الحب والدعم اللي فرح قلبي وعرفني إن حبكم نعمة من ربنا، شكرًا لكل حد منكم بعتلي مسدچ أو حاول يوصلني ويعبر عن حب جميل ويحسسني إني ماتعبتش على الفاضي، شكرًا لكل اللي قالوا في حقي كلمة حلوة.. إن شاء الله هرجع أكون معاكم وربنا يكتب الخير ليا ولكل الناس، شكرًا من قلبي”.
كانت منى فاروق، أعلنت التراجع عن اعتزال الفن، لتناشد الفنان أشرف زكي نقيب المهن التمثيلية توفير فرص عمل لها.
وكتبت منى، عبر صفحتها بموقع التواصل الاجتماعي “إنستجرام”: “مساء الخير .. الكلام اللي بقوله ده خارج خالص عن فكرة إني أخد التريند وأعمل زي أي حد .. أنا قلت أعتزل الفن لسبب واحد وهو إن ده مصدر رزقي الوحيد اللي أنا بحبه وعايزة أشتغله، لكن لما أوصل لمرحلة إني مش عارفة أدفع إيجار بيتي حاجة تتعب”.
وتابعت: “أنا محتاجة أشتغل عشان أقدر أعيش زي أي بني آدمة طبيعية.. أنا غلطت وربنا بيسامح.. ليه البني آدمين مش عايزين يسامحوا؟ أنا بسمع بودني بلاش منى عشان الفيلم ميضرش، ليه يا ربي أنا بقيت منبوذة من كل الناس؟”.
واستكملت: “أنا مش طالبة غير إني أشتغل في الحاجة اللي بحبها عشان أعرف أعيش .. المجتمع حاططني في المكان الوحش بس مش يمكن عايزة أبقى كويسة زي أي واحدة؟ ليه بتقفلوا قدامي كل حاجة؟”.
وأردفت: “عشان كدة، أنا بناشد دكتور أشرف زكي والأستاذ أشرف عبدالباقي وشركات الإنتاج.. محتاجة الشغل عايزة أعرف أعيش.. ولما قلت قرار أعتزل من أجل لو حد شافني بشتغل في محل لبس أو أي شغل ميقولش إيه ده؟ والله مش طالبة غير أشتغل .. عايزة أشتغل أبوس إيديكم”.
وكانت منى فاروق، أعلنت اعتزالها الفن والسوشيال ميديا، وكتبت عبر حسابها الرسمي على “إنستجرام” عبر خاصية القصص القصيرة: “تعبت وأشعر بعدم التقدير لشخصي ولموهبتي، ولم أعتد البقاء في مكان، ومع أشخاص لا تقدرني”.
وأضافت: “إجازة مفتوحة من الـ سوشيال ميديا مش هكون موجودة، مش عاوزة حاجة من حد ولا عايزة حد يعوز مني حاجة”.
واختتمت منى حديثها: “أنا دلوقتي هعيش لنفسي محتاجة أكون نفسي، محتاجة سلام نفسي اللي بيحبوني شكرًا، وكتر خیرکم، واللي ما بيحبنيش شيلوني من حساباتكم لحد ما أقدر أواجه الحياة الظالمة دي تاني”.
يذكر أن منى فاروق، شاركت في أكثر من عمل درامي ، كان أخرها مسلسل “أيام” مع حورية فرغلي، شيري عادل، وأحمد صفوت، وسلوى خطاب، وميدو عادل، ومحمود حجازس، ورياض الخولي، وندا موسى، مي القاضي، وحجاج عبدالعظيم ولقاء سويدان، وسماح السعيد، حنان يوسف، صفاء جلال، محمد دسوقي ومحمد مغربي، تأليف سماح الحريري وإخراج محمد أسامة.
