12:43 م
الثلاثاء 07 نوفمبر 2023
كتبمصطفى حمزة:
حرص السيناريست صلاح الجهيني “المشارك في إنتاج المسرحية المثيرة للجدل “زواج إصطناعي”، على توجيه رسالة إلى المخرجة كاملة أبو ذكري، عقب الرسالة نشرتها عبر صفحتها في موقع فيسبوك.
صلاح، عبر صفحته في موقع فيسبوك، كتب ،:” من الحاجات اللي بتضايق أي فنان هي انتقاد الناس وتقيمهم للعمل من خلال الإعلان دون مشاهدة العمل نفسه …وكان شيء مؤسف جدا لما الناس هاجمت مسلسل قبل ما تشوفه لمجرد أن حواجب البطلة على البوستر معجبتهاش”.
وتابع،: “ولكن المؤسف اكثر إن مخرجة ليها تقديرها واحترامها زي الأستاذة كاملة أبو ذكري قررت تهاجم عمل فني، و تتهمه إنه اتكتب و اتنفذ في 3 أيام بدون ما تشوف منه أي مشهد …متجاهلة مجهود أكتر من 60 شخص اشتغلوا على مدار 5 شهور عشان العمل ده يظهر و يتنفذ على الوجه اللي هما شايفينه بيرضيهم” .
صلاح، أضاف،:” أستاذة كاملة …أنا مقدر موقفك السياسي و الإنساني و لكن يؤسفني أقول لحضرتك انك جرحتي عدد كبير من الفنانين والشباب المجتهد اللي بيعتبروا حضرتك قدوة ليهم بدون وجه حق “.
المخرجة كاملة أبو ذكرى، كانت قد وجهت عبر صفحتها في موقع فيسبوك، إلى فنان لم تذكر اسمه.
وكتبت المخرجة،:”: “الأستاذ الفنان اللي كنت واحدة من محبيه، لو حضرتك فاكر إنك لما تعمل عمل اتحضر واتكتب واتنفذ في تلات أيام، وتروح تعرضه وترقص وتغني وتضحك وبعد كده تأخد آلاف الدولارات، لو ده بتسميه فن فأنا لا يشرفني إني أكون زميلة لك في هذه المهنة”.
وتابعت،:”: “ولما تكون بتعرض التفاهات دي ده لا يشرف الفن المصري، ولما تعرض التفاهه دي وجارك بيدبحوا أطفاله ونساءه ورجاله وتقولي الفن، يبقي ماعنديش كلام أقدر أقوله غير إن الإحساس والفن نعمة إنتم آخر ناس تتكلموا عنها”.
مسرحية “زواج إصطناعي”، بطولة مي عز الدين، بيومي فؤاد، محمد انور ” الذي حل محل الفنان محمد سلام عقب اعتذاره عن المشاركة مع بداية القصف الإسرائيلي لقطاع غزة”، سليمان عيد، مصطفى غريب، من إنتاج محمد نصار وصلاح الجهيني، وإخراج محمد محمدي.
