12:13 ص
الأحد 23 يوليه 2023
كتب مروان الطيب:
تحدث محمد سراج العضو المنتدب والمدير التنفيذي للشركة المنظمة لحفل مغني الراب الأمريكي ترافيس سكوت عن الجدل الذي أثير مؤخراً بشأن حقيقة إلغاء الحفل المقرر إقامته يوم الجمعة 28 يوليو.
وحل “سراج” ضيفاً في مداخلة هاتفية ببرنامج “الستات” تقديم الإعلامية سهير جودة ويعرض على قناة “النهار” وتطرق خلالها لتفاصيل أزمة إلغاء الحفل وعما إذا كان الحفل سيقام في موعده أم لا.
وقال “سراج”: “لغاية اللحظة دي معندناش معلومة مؤكدة عن إلغاء الحفل، احنا بنسعى إنها تحصل معانا كل تصاريحنا، ودلوقتي متأخرين عن خطة العمل اللي المفروض نمشي عليها يومين، هل هنلحق ولا لأ لو دخلنا معرفش، احنا هنحارب عشان الموضوع يحصل”.
واستكمل “أنا بتواصل مع كل الجهات المعنية عشان الحفلة تحصل ولسه قبل ما أطلع معاكي على الهوا تواصلنا مع عمرو جزارين رئيس مجلس إدارة الشركة المسؤولة عن منطقة الأهرامات اللي احنا مأجرين منها، وكتب نداء للسيد رئيس الجمهورية على فيسبوك، وأنا كتبت وراه ومفيش حاجة أكتر من كده نقدر نعملها”.
مضيفاً “بعتنا مناشدة للسيد رئيس الجمهورية عشان ينقذنا وينقذ سمعة البلد، احنا بنسعى جاهدين وبندفع عشرات الملايين عشان نحط مصر على خريطة السياحة الترفيهية”.
