08:49 م
الإثنين 07 أغسطس 2023
تحل اليوم الإثنين، ذكرى وفاة الفنانة القديرة دلال عبدالعزيز، التي رحلت عن عالمنا في مثل يوم 7 أغسطس 2021، بعد مسيرة طويلة من العطاء الفني والإبداع.
وفي لقاء تليفزيوني نادر، قال سمير غانم عن زوجته دلال عبدالعزيز: “لما بيحصل زعل بينا أنا اللي ببدأ بالصلح، وهي في الحتة دي زيي برضو، يعني ممكن أنا أزعلها وأحس أن بعد 10 دقايق لازم أعتذر منيمهاش زعلانة أبدا وهي كذلك أيضا، بس أنا بزعلها زعل خفيف”، وتابع مازحا: “هي بتزعلني زعل منيل بستين نيلة وبعد كل ده تقولي خلاص بقى”.
وأوضح سمير أن الإختلاف فيما بينه وبين زوجته دلال عبدالعزيز يكون في الأكل فقط
بينما قالت دلال عبدالعزيز: “إحنا بنتفق في حاجات كتير أوي لأن احنا مواليد برج واحد وهو برج الجدي وطباعنا واحدة، وهو 15 يناير وأنا 17 يناير فـ طباعنا تقريبا واحدة”.
وتابعت: “مفيش بعدها بدقايق بننسى أي خصام وزعل، أنا أكلمه هو يكلمني عادي، حتى لما أفتكر إننا كنا متخاصمين.. بعد شوية أقوله إيه ده أنا مش كنت مخصماك وأكون نسيت وهو نفس الشيء”.
وأضافت: “احنا مختلفين إن أنا واعية عنه شوية، وطبعا اختلاف أنه أستاذ وبدايته وتاريخه أكبر مني.. إنما أنا جنبه تلميذة”.
