11:11 ص
السبت 04 مايو 2024
كتب مروان الطيب:
حل مطرب المهرجانات عمر كمال ضيفًا على برنامج “خلاصة الكلام” الذي يعرض على قناة “النهار”.
وتطرق “عمر” إلى الانتقادات والهجوم الذي تعرض له مؤخرًا من قبل رواد السوشيال ميديا، إلى جانب تفاصيل امتهانه عددا من الوظائف قبل الغناء، وعن تعاونه وعلاقته بمطربي المهرجانات منهم حسن شاكوش وحمو بيكا، كما تحدث عن علاقاته العاطفية وعن تدهور حالته الصحية بسبب تعاطي المهدئات بدون استشارة الطبيب.
وتحدث “عمر” عن زيارته للولايات المتحدة الأمريكية في وقت سابق، وأنه كان بصدد فتح حساب بنكي بأحد البنوك هناك ونجاته من عملية سطو.
وعن تعرضه للسطو بأحد البنوك في أمريكا، قال: “كنا في لوس أنجلوس وكان معايا حد مرافق ليا طول الوقت هناك، وقالي افتح لك حساب بنكي هناك ينفعك بعدين وأنا كنت مهووس بالأفلام الوثائقية وكنت قريت تقرير أن لوس أنجلوس فيها كل يوم 50 حالة سرقة لبنوك بتحصل وقولت ده استحالة يحصل ليا، وكان ساعتها بعد الكورونا بسنة وكنت قاعد وكان في راجل واحد بس في شباك البنك، ولقيته بيتخانق معاهم وقولت انا ماليش دعوة”.
واستكمل: “الراجل اللي كان مرافق معايا قالي يا عمر لو هتعرف تمشي تزحف تطلع بره يا إما تنام على بطنك ورا أي مكتب وحط ايدك على راسك قولت له ليه؟، قالي الراجل ده معاه قنبلة يا عمر وهيفجرها وأنا مكنتش عارف الراجل بيقول المرافق اللي معايا اللي فهم وكنت بحسب أن فيه مشكلة معاه في الحساب أو حاجة، مكنتش اعرف انه كان بيقولها لو محطتيش الفلوس انا هفجر الدنيا كلها، قولت له طب أنا ههرب وأنت بقى، قالي لأ ما أنا بصور عشان لو نجينا هبيع الفيلم الوثائقي ده بفلوس كتير أوي”.
وأضاف: “كانت ليلة واحتجزونا، ومن ساعتها قررت أخد كورسات إنجليزي بقى، وقعدنا حوالي 4 ساعات جوه البنك والبوليس جه وطلع أنه راجل مهووس تعبان نفسيًا وكان معاه قنبلة دخان كان حوار كبير ومفتحتش الحساب في الأخر وقلت الحمد لله الـ 1000 دولار اللي كنت هحطها في الحساب كانت هتروح عليا”.
اقرأ أيضا:
هنادي مهنا تطرح الإعلان الرسمي لفيلم “أوسكار عودة الماموث” (فيديو)
عمر الشناوي لـ”مصراوي”: “الوصفة السحرية” مسلي وقصتي تتناول مشاكل أول سنة جواز
