12:14 ص
الخميس 25 مايو 2023
كتب – معتز عباس:
قال المطرب والملحن، عمرو مصطفى، إن التطور التكنولوجي الحالي يدمر نفسه بنفسه، متابعًا: “النهاردة تقدر تسجل لحد والتسجيل ممكن يتسرب، دلوقتي تقدر تقول دا مش صوتي دا ذكاء اصطناعي، مفيش حاجة تصدقها غير اللي تشوفها وتسمعها قدامك”.
وأضاف “مصطفى”، في لقائه ببرنامج “التاسعة”، المذاع عبر فضائية القناة الأولى المصرية، اليوم الأربعاء، أن الموسيقى وثقافتنا تتدمر يوم بعد يوم، مستطردًا: “مشروع إحياء أغاني التراث و مشروع عندي من قبل كورونا 3 سنين بحضر في المشروع”.
وأكمل: ” الذكاء البشري اقوى من الاصطناعي الف مرة، والمهرجانات مفيش حد قادر يسيطر عليها، والقنوات مش بتكتب أغاني من ألحان عمرو مصطفى، وحقي الأدبي بيدمر انا مش عارف اشتغل ونفسيتي بايظة ومطربين بيغنوا الأغاني بتاعتي من غير ما حد بيقول اسمي”.
وتابع: “المطرب لو طلع غنى في حفلة ومقلش اسمي يبقى دا عيب يقولك لا مش عيب، طيب انا لو اخدت صوتك دا برضة مش عيب، هتستبيح حقي الأدبي هستبيح حقك الادبي، تقول اسمي اقول اسمك، مفيش اي حقوق ملكية فكرية لبصمة الصوت في اي مكان في العالم”.
