09:31 م
الأربعاء 26 يوليه 2023
كتبت – شهد القاضي:
تحدث الفنان صبري فواز، عن تصريح قديم له يخص الفنان محمد صبحي بأنه على المستوى الشخصي والمهني لا يحبه.
وقال صبري، ببرنامج “الستات” المذاع عبر قناة النهار: “هي الناس ليه مستغربة إني بقول بحب ومبحبش؟ هو أنا بقول مبحترموش؟ أو بقلل منه؟ .. كل الناس على رأسي وكل الناس محترمة وكل الناس ليها عندي تقدير يحق لي أنتقد واختلف مع وجهة نظر أي حد، وده ميضركش ومينقصش منك حاجة”.
وتابع: “هو حتى أستاذ محمد لما جه يرد قال لهم الراجل مغلطش في حاجة، أنا بس معرفش هو ليه بيقول كده؟ .. يعني هو نفسه شايف إني مغلطتش .. أدنى درجات حقوقك كبني آدم إنك تقول بحب ومبحبش”.
وأردف: “يعني أنا لو حد قال عليا مبحبش صبري فواز هو حر ده حقه.. هخليه يحبني بالعافية؟.. أنا بقول رأيي دايما وهفضل أقول هي فين المشكلة؟ معنديش أي عداوة مع حد”.
وكان صبري فواز، كشف في وقت سابق عن أسباب رفضه العمل مع الفنان محمد صبحي من قبل أثناء حلوله ضيفا ببرنامج “شيخ الحارة” المذاع عبر قناة “القاهرة والناس”، قائلا: “أنا قلت فنان كويس، لكن مش بحبه على المستويين الشخصي والفني، ولا اتعاملنا، لكن مش بحب النوع ده، شفت شغله وتصرفات خلتني لا أحبه ولا أحب طريقة الشغل معاه، هو حر، أحترمه كمخرج مسرح كبير، وممثل كويس”.
يذكر أن، آخر أعمال الفنان صبري فواز السينمائية هو مشاركته في فيلم “ابن الحاج أحمد” بطولة الفنان شيكو.
بينما كانت آخر أعماله الدرامية هو مشاركته في مسلسل “رمضان كريم 2″، وهو بطولة سيد رجب وبيومي فؤاد وعدد من الفنانين.
