12:03 م
الثلاثاء 29 أغسطس 2023
كتبت نوران أسامة:
عبرت الفنانة أسما شريف منير، عن غضبها بسبب استغلال اسمها للنصب من قبل أحد الأشخاص.
وكتبت أسما، عبر حسابها الرسمي بموقع التواصل الاجتماعي “إنستجرام” من خلال خاصية “القصص القصيرة”: “أنا معنديش حد ماسك شغلي خالص غير لوكا، محدش يتفق على شغل مع حد بنيابة عني، في ناس بتقول أنها ماسكة شغلي وبيطلبوا فلوس كمان”.
وأثارت أسما شريف منير الجدل مؤخرا بعد قيامها بحلاقة شعرها في مقطع فيديو عبر حسابها الخاص على انستجرام.
وعلقت “أسما” عن حلاقة شعرها قائلة: “شعرى بقاله فترة بيقع جامد، ده غير إن من كتر العمايل اتحرق، وبقي مش صحي خالص، وقررت أنفذ قرار كان بقالي كتير أوي نفسي أخده.. أبدأ من جديد، وأحرر نفسي، وأفتح صفحة جديدة، حقيقي هو قرار صعب جدا بس حسسني بقوة وتفاؤل”.
وتابعت: “رميت ورايا حاجات كتيرة أوي بمجرد إني شلت شعري، قلبي كان بيدق جدا وبعديها حسيت إني مليانا أدرينالين.. خطوة جريئة ومرعبة بس حاسة إني طالعة منها بدرس”.
وأضافت: “عارفة إن فيه ناس كتير هتهاجمني بس أنا فارق معايا احساسي بالراحة اللي أنا حساها دلوقتي.. عادي هيطول تاني بس الإحساس ده مش هحسه غير مرة.. بكره هتشوفوا النتيجة الأخيرة”.
