11:20 ص
الإثنين 22 مايو 2023
كتب هاني صابر:
أعلن الفنان الكوميدي أحمد فتحي، عن الأماكن والمهن التي عمل بها قبل دخوله التمثيل.
وقال فتحي، ببرنامج “واحد من الناس”: “مشتغلتش عامل بوفيه في قهوة، وكل الحكاية اننا روحت أنا وأصحابي نادي الترسانة والموسم كان هيبدأ وكانوا عايزين في الكافيتريا يطلعوا كل الترابيزات والكراسي من المخزن، وده اليوم الوحيد اللي اشتغلناه، ومرحناش تاني”.
وتابع: “وفيه مرة تانية واحد صاحبي أجر قهوة وكنت في سياحة وفنادق وبعرف أعمل أكل، وقالي يا فتحي عندنا عربية كبدة في القهوة فاشتغلت عليها لمدة أسبوع فقط، وبعدها اشتغلت بائع كتب أطفال لفترة وسيبت الشركة”.
وأوضح: “اشتغلت في فندق كذا شهر، واشتغلت مندوب مبيعات في احدى شركات الشيكولاتة العريقة لمدة 6 أشهر “.
وأضاف: “عدم الإنجاب قربني من زوجتي أكثر وأثر في شخصيتنا، إننا لازم نؤمن بالرزق والقدر، وإن مفيش حد بيعاند ربنا، وأكيد كل حاجة لها حكمة..وأكيد ربنا شايل لنا حاجات أهم وأحسن، ومفيش حد بياخد كل حاجة، وولاد أختي وولاد أخت مراتي ولادنا”.
