12:35 م
الإثنين 26 يونيو 2023
وجه الفنان طارق النهري، رسالة شكر لكل من وقف بجانبه في أزمته الصحية الأخيرة التي تعرض لها، وذلك بعد خضوعه لعملية قسطرة القلب وتركيب دعامتين.
وقال النهري، في تصريحات خاصة لـ “مصراوي”: “عايز أشكر أخويا الفنان إيهاب توفيق على وقفته جنبي من الأول وإنه مسبنيش لحظة”.
وأضاف: “كل الناس كلمتني ومحدش سابني كله وقف جنبي”.
ووجه شكر خاص للفنانة نهال عنبر، قائلا: “مسبتنيش وهي اللي لحقتني وجريت بيا على المستشفى ولولاها كان زمان محدش لحقني، فهي ليها الفضل الأول والأخير في إنقاذ حياتي وعايز أشكرها جدا”.
وطمأن الفنان طارق النهري، جمهوره على صحته بعد خضوعه لعملية قسطرة بالقلب وتركيب دعامتين.
وقال في تصريحات خاصة سابقة لـ مصراوي: “أنا الحمد لله أحسن شوية دلوقتي .. أنا روحت من المستشفى أنا دلوقتي في البيت والعملية عدت على خير بس لسه طبعا صحتي مش أحسن حاجة”.
كانت الفنانة نهال عنبر، كشفت تفاصيل الأزمة الصحية التي تعرض لها الفنان طارق النهري والتي تم نقله على إثرها لاحدى المستشفيات لإجراء عملية جراحية.
وفي تصريح خاص لـ “مصراوي” أكدت الفنانة نهال عنبر عن دخول “النهري” العناية المركزة، قائلة: “أنا بنفسي اللي نقلته للمستشفى والحمد لله لحقناه بعملية قسطرة ودعامتين وده اللي أنقذ حياته، وهو بقي كويس دلوقتي”.
