08:21 م
الأحد 27 أغسطس 2023
كتبت نوران أسامة:
شارك الفنان شريف منير جمهوره صورة قديمة تجمعه مع أولاده أسما وفريدة وكاميليا وفؤاد عبر حسابه الرسمي بموقع “إنستجرام”، بعد الضجة التي أثارتها ابنته أسما .
وظهر “منير” في الصورة وهو يحتضن أولاده، ونالت الصورة إعجاب عدد كبير من المتابعين.
وكان الفنان شريف منير قد رد على الهجوم الذي تعرضت له ابنته أسما بعد حلاقة شعرها “زيرو”، في مقطع فيديو، نشره عبر حسابه على إنستجرام، قال فيه: “إيه الدوشة اللي انتوا عاملينها دي وإيه الضجة اللي إنتوا عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته”.
واستكمل: “تصرف عادي جدًا مفيهوش أي حاجة، اوعوا تفتكروا إني هاجي على بنتي عشان خاطر أكسب رضاكم .. دي بنتي اللي ماليش غيرها وبحبها”.
وأوضح منير: “بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها.. لأ أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد”.
وتابع: “قبل ما تتكلموا بصوا على نفسكم واتفرجوا على عيلتكوا وعلى اخواتكوا وعلى الناس اللي حواليكوا قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا”.
وكشف: “بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟ على العموم ريحوا نفسكوا و اهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو مغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها”.
واختتم: “أسما إنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتمش بكلام حد وأنا مش مهتم بالكلام اللي بيتقال عليا ولا عليها،المهم إننا مش بنضر حد، سلام عليكم”.
