12:08 ص
السبت 10 يونيو 2023
كتب مروان الطيب:
رد الفنان الكبير نبيل الحلفاوي على سؤال أحد متابعيه والذي اتهم أحد أندية كرة القدم في مصر بالتلاعب والرشاوي من أجل تحقيق المزيد من البطولات وهو ما لاقى استهجاناً من قبل “الحلفاوي”.
وجاء تساؤل أحد المتابعين على الحساب الرسمي لـ “الحلفاوي” على “تويتر” قائلاً:”انتوا ليه بتحسسونا اننا لازم نشرح كلام عربي مافيش حد عنده عينين وودان ومش متعصب مش شايفه، الموضوع أبسط من كده بتكسب كتير فلوس بطولات يبقى شبهة الظلم والحرام طبيعي تكون أكبر ما ينفعش العكس اللي بتعملوه ده بره المنطق”.
ليعيد “الحلفاوي” نشر التغريدة على حسابه ورد عليه قائلاً “اللي بتقوله ده يا مهدي هو اللي بره المنطق، يحدث أحيانا إن الفلوس الكتير يبقى مصدرها حرام. وممكن بعض البطولات، لكن أن تعمم وتعتبرها قاعدة أن شبهة الحرام تتناسب طرديا مع المكاسب والبطولات هو ده اللامنطق، وإلا فإن شبهة الحرام تكون أكبر مع البايرن والريال وبرشلونة أيام رونالدو وميسي وتكون أكبر مع أم كلثوم وحليم ومجدي يعقوب وزويل ونجيب محفوظ وكلاي وبوبكا في الزانة وأبطال مصر في الاسكواش…الخ”.
يذكر أن آخر أعمال نبيل الحلفاوي الفنية كانت بفيلم “تسليم أهالي” بطولة الفنان هشام ماجد والفنانة دنيا سمير غانم وتم عرضه خلال العام الماضي.
