09:49 م
الخميس 10 أغسطس 2023
كتبت شهد القاضي:
أثار المغني الشاب خالد الفايد جدلا واسعا على حسابه بموقع التواصل الاجتماعي “فيسبوك”، بسبب منشور خاص بارتداء طفلة لا يتجاوز عمرها الحجاب.
كتب خالد عبر صفحته بموقع التواصل الاجتماعي “فيسبوك”: “من 5 دقايق بالظبط لقيت بنت صغيرة عندها حوالي 3 أو 4 سنين.. للأسف واقفة وأبوها ملبسها حجاب مغطيها من فوقها لتحتها والبنت فاقدة للبسمة وجمال الطفولة.. هم أحرار يعملوا اللي عايزينه محدش يقدر يفرض عليهم حاجة”.
وأضاف: “بس والله منظر البنت متعب نفسيا، بدل ما ياخدها يوديها الملاهي ويخرجها ويضحكها ويلعب معاها ملبسها حجاب من فوقها لتحتها والبنت واقفة باصة في الأرض، وهو لابس بنطلون وقميص وعايش حياته ومنكد على البنوتة الصغيرة وبيستغربوا ليه بناتهم بيطلعوا معقدين نفسيا ومشوهين فكريا؟.. ربنا معاكي يا بنتي والله”.
وجاءت تعليقات الجمهور على منشوره: “هما حرين يعملوا اللي عايزينه في نفسهم مش في غيرهم، دي حاجة صعب انت تفهمها، لا مش حرين يؤذوا طفلة صغيرة كدة، فيه قانون وفيه قانون حماية طفل، انت عندك شيزوفرينيا ولا إيه مش كان رأيك إن دي خصوصية، بردو وكل واحد حر فحياته ولا انت فاضي ومش لاقي حاجة تقولها، يعني بالمختصر وانت مالك، خليك في حالك، سبحان مبدل البوستات”.
كان خالد الفايد اعلن تراجعه عن اعتزال الغناء من خلال صورة قديمة مع المنتج هاني محروس وقام خلالها بالاعتذار له عما بدر منه خلال الفترة الماضية، قائلاً :”أكبر غلطة عملتها في حياتي اني سمعت كلام الناس، كنت مخلص من قلبي لكن شفت منهم عكس كدا، وربنا يكفيكم شر اللعب في الودن والكلام الفارغ، ربنا يبعد عنكم أي حد بيستغلكم ويضحك عليكم باسم الدين، ربنا يبعد عنكم أي حد عامل فيها مولانا وهو … صدقوني فيه حاجات مش هقدر أشرحها لكم”.
واستكمل :”ومش هقدر أقول غير اني اتسرعت وغلطت في هاني محروس غلط كبير، بسبب إني اديت ودني للناس وسيبتهم يتكلموا ويولعوا براحتهم، اوعى تسلم ودنك لحد وتخليه يبخ فيها سموم، ده درس اتعلمته حبيت أوضحه علشان محدش يقع في نفس غلطتي”.
كما قام “خالد” بنشر فيديو نفى خلاله سرقة حسابه قائلاً: “أنا خالد الفايد وحسابي مش مسروق ومن حق أي واحد في الدنيا يعمل الحاجة اللي بيحبها ومن حقه ينام ويقوم مرتاح نفسياً مش واكل حق حد، مش مضايق حد كل واحد من حقه يعمل اللي هو عايزه طالما ما بيأذيش حد، ليه المغالاة وليه الواحد يكبت على نفسه وليه الواحد يضيق على نفسه جامد خليها على الله”.
ووجه نصيحة لمتابعيه قائلاً: “مش عيب انك تعتذر اعتذر أما تحس بالحزن انك كنت السبب في ألم شخص من دون ما تقصد، اعتذر اما تحس بالضيقة إنك أهملت شخص كان يستاهل اهتمامك، اعتذر اما تحس بالندم انك خسرت عاطفة شخص ما ناحيتك بسبب حاجة غلط انت عملتها، الاعتذار علاج، الاعتذار بس هو اللي قادر يصلح كل ده وأكتر.. اعتذار بدون أعذار”.
وكان المنتج هاني محروس، أعلن في نوفمبر 2022، تعاقده مع المطرب خالد الفايد، على تقديم ألبوما يضم 8 أغاني، وطرح منها أغنية بعنوان “أنا حد جديد” وفي فبراير 2023، أعلن المطرب خالد الفايد، اعتزاله الغناء، وظهر باللحية ومرتديا الجلباب.
