12:42 م
الإثنين 12 فبراير 2024
كشف الفنان حسن الرداد، تفاصيل ما حدث بينه وبين زوجته الفنانة إيمي سمير غانم، لدرجة أنها طلبت الطلاق منه أثناء سفرهما لقضاء شهر العسل بالمكسيك.
وقال “الرداد” ببرنامج “كلام نواعم” عبر قناة mbc1 : “أعتقد أن عقل الرجل في أوقات كتيرة جدا بيكون السبب لأن الست أسهل كلمة عندها خصوصا في سنوات الزواج الأولى.. طلقني”.
وتابع: “أقسم بالله وإحنا لسه طالعيين الطيارة بهزر معاها ومعرفش إنها بتخاف من الطيران، وأنا في الطيارة ببقى كأني ماشي في البيت متحمس وبحب أتحرك وأفضل أقول الطيارة هتقع.. لقيتها قعدت تعيط وتقولي طلقني وزعلت وفضلت أصالحها لحد ما وصلنا المكسيك”.
وأضاف: “في بداية الجواز .. البنت لما بتضايق بتلاقي كلمة طلقني دي سهلة، لو الراجل ممسكش دماغه في كل المرات ممكن يحصل الانفصال”.
وأختتم: “أول سنين جواز من وجهة نظري وتجربتي بيبقوا صعبين أوي عشان تفهموا طباع بعض، وبعد كده في صعوبات أنكم تخلقوا حاجات جديدة والحياة بين الاتنين المتجوزين عايزة نفس طويل”.
