07:01 م
الخميس 20 يوليو 2023
تحدثت الفنانة أيتن عامر عن أجرها بفيلمها الجديد “مندوب مبيعات” والمقرر طرحه بدور العرض يوم 8 أغسطس المقبل ، والذي يشاركها بطولته الفنان بيومي فؤاد.
وقالت خلال لقائها ببرنامج ET بالعربي: ” حامد بيفضل يقولي أنا مفيش حد عمل معايا اللي إنتي عملتيه لأن هو لما كلمني كان عارف أجري كام كويس قوي وأنا نزلت له كتير جدا أكتر من 50%”.
وأضافت عن عدم تقاضيها أجرا بفيلم “عمهم” مع الفنان محمد إمام وقالت: ” أنا مقتنعة إن كل مشروع بيكون ليه ظروفه .. زي ما روحت لأحمد السبكي وقولتله أنا هعملك فيلم عمهم ده من غير ولا جنيه وده حصل فعلا وهو يسأل في ده”.
واستكملت: ” الراجل ده أنا بحبه جدا وربنا يعلم علاقتي بيه عاملة ازاي ومهما أنا و هو بنكون عاملين زي القط والفار أنا بحترمه جدا”.
ويشارك أيتن عامر وبيومي فؤاد بطولة فيلم “مندوب مبيعات” أحمد فتحي ، إسلام إبراهيم، هبة عبد العزيز ونخبة من الفنانين، وهو من تأليف وإخراج وإنتاج حامد صالح.
ومن ناحية أخرى عُرض فيلم “عمهم” في يوليو 2022 وهو من بطولة محمد إمام وهدى المفتي وجسدت أيتن عامر شخصية “سحر فيشة” ، والعمل من تأليف وسام صبري وإخراج حسين المنباوي.
