11:50 ص
الأحد 18 فبراير 2024
كتب مصطفى حمزة:
كشف الملحن إسلام رفعت، موقفه من الاتهامات التي تطارد أغنية “كدابة”، التي طرحها المطرب حسام حبيب، والتي تردد أن المذهب الموسيقي تمت سرقته من أغنية للمطرب محمود عز.
إسلام رفعت، الذي وضع لحن أغنية المطرب حسام حبيب، علق عبر صفحته في موقع فيسبوك، على الاتهامات التي وجهها المنتج والموزع الموسيقي محمد شفيق، لصناع أغنية “كدابة”.
وكتب “أنا مكنتش هرد .. بس مضطر أرد لإن اللي بيحصل دة قلة أدب وتطاول. لسه جاي لي تليفون دلوقت من صديق ليا بيقول اني في حد كاتب بوست اني واخد لحن أغنية حسام حبيب، من أغنية لمغني أنا أعرفه معرفة شخصية، واشتغلت معاه بالفعل، وعلاقتي بيه أنه مغني وأنا ملحن وموزع يعني واضح مين اللي بيسمع من التاني”.
وتابع “أولا مستحيل مستحيل مستحيل أنا اللي بقول إنه يكون توارد أفكار أو خواطر أو نغمات، انا مسروق بالمللي وبالهارموني حتى، هو برافو عليه محاولة حلوة منه انه ينط على بروباجندا حسام حبيب ويحاول نجيب سيرته، ويمكن تصيب معاه.. بس انا هخليها تصيب معاه انه يتشهر بأنه غير آمين ومعندوش ضمير نهائي”.
إسلام، أضاف “كل الناس عارفيني كويس وعارفين شخصيتي، اني عمري ما اعمل حاجة بالخسة دي أو بالسذاجة دي !، اني اخد حاجة إبداعية في اكتر حاجه بحبها، وهي الموسيقى من حد أو اقتبس جملة من هنا أو من هنا، والحمد لله أعمالي كلها بتتكلم عني”.
وعن كواليس الأغنية، أوضح: “الأغنية دي الشاعر عمرو المصري بعتلي كلامها من شهر مايو ٢٠٢٣ اللي فات تقريبا، وأنا لحنت الكلام وعملت شكل ليها، وبعتناها لأكثر من مطرب من ضمنهم حسام وبالفعل كانت من نصيبه، والأغنية جاهزة من فترة كبيرة جدا، ولكن حسام اللي كان بيأخر.. ومرفق في البوست فيديو انا مصوره بإيدي من الكمبيوتر بتاعي، متوثق فيه تاريخ الأغنية وصوتي في الديمو” ط.
وردا على ما ذكره الموزع والمنتج، أكمل “الموزع شفيق، كاتب أن أغنيتهم نازلة يوم ١٨/١ وحسام حبيب منزل خبر أغنية كدابة، من يوم ٨/١ تقريبا، فاللي هو إزاي يعني!، وأي حد يقدر يعمل سيرش على جوجل ويتأكد من صحة كلامي. أخر حاجة عايز اقولها اني معايا كل ما يثبت ان اللحن بتاعي، من مستندات وهتخذ كل الإجراءات القانونية مع أي حد جاب سيرتي أو اتكلم عليا بشكل مسيء وحاول ينط وعايز يتشهر”.
المنتج والموزع الموسيقي محمد شفيق، كان قد توعد عبر صفحته في موقع فيسبوك، باتخاذ الإجراءات القانونية ضد صناع أغنية ” كدابة”، بعد طرح المطرب حسام حبيب الأغنية.
وكتب “السلام عليكم، بداية كده تم إنتاج أغنية للفنان الصاعد محمود عز من قِبل شركتي EYE Creative Studios بعنوان بياعة وده لينك الغنوة.
وتابع: “الأغنية تم طرح البرومو بتاعها علي انستجرام يوم ١٨ يناير بجملة المذهب اللي تم نحتها أو اقتباسها من قبل الفنان حسام حبيب في أغنيته الجديدة كدابة و ده لينك الغنوة عشان حضراتكم تحكموا بنفسكم”.
https://www.youtube.com/watch?v=aT09AGbkvvg
شفيق، أكمل “أولا سيتم اتخاذ كافة الإجراءات القانونية وتحرير محضر بالمصنفات الفنية لاتخاذ اللازم، ثانيا تم التواصل مع محامية آي كرييتيف استديوز السيدة جهاد مبروك لاتخاذ كافة الإجراءات القانونية تجاه الواقعة.. شكرا”.
يذكر أن أغنية “كدابة” تعد أول الأغاني التي يطرحها المطرب حسام حبيب، بعد طلاقه رسميا من المطربة شيرين عبدالوهاب، والأغنية من كلمات عمرو المصري، ألحان إسلام رفعت، توزيع أمين نبيل.
اقرأ أيضا
موزع يتهم حسام حبيب بسرقة مذهب أغنية “كدابة”
تركي آل الشيخ يروج لمسرحية رمضان ميوزيكال سكول بطولة محمد هنيدي
