الصور الأولى من فيلم “فرقة الموت” لـ أحمد عز

12:17 م


الأربعاء 25 أكتوبر 2023

كتبت بهيرة فودة:

انطلق منذ أيام تصوير فيلم “فرقة الموت” بطولة الفنان أحمد عز.

وكشفت الفنانة فريدة سيف النصر عن صور من كواليس العمل، عبر حسابها الشخصي بموقع “فيسبوك”.

وكتبت: “في يوم جميل والهواء شديد جدا بقي يدخل الهدوم زي البراشوت وضحكت ضحك عمري برغم الالم والله، الفيلم ده من تلات أفلام وكبار جدا هو اللي باعمله أنا غريبة مش أي شخصية تشدني.. ووالله كلنا في الشغل مالناش سيرة غير غزه والعيال، لكن ده شغلنا”.

وأضافت: “المعلمة قشطة، في فرقة موت مع الجمال والأدب والذوق سوبر ستار أحمد عز.. سعيدة إني بتقابل مع جيل جديد، اتفاجأت أن عز عارف شغلي وكمان وهو بيتفرج عليا وأنا باصور عمال يشكر فيا وصلولي طبع”

واستكمل: “والأحلى مدير التصوير هو بتاع بدون ذكر أسماء، واتكلم عز على نور الشريف بحب وإني محظوظة عملت معاه أهم أعمالي وهو عمل معاه واهتم بيه جدا.. ومحمود عبدالعزيز وجماله…وقد ايه بيحبهم وكان نفسه يشتغل مع عاطف الطيب أنا عملت جبر الخواطر معاه وخدت جائزة من نادر جلال أنا بجد احمد الله محظوظة في الجيل اللي حضرته وأنا صغيرة من نجوم مش هاتتكرر اتعلمت على إيديهم. والجيل ده بتاع عز وأنا كبيرة. عندنا أجيال هتكمل بجدارة”.

وتابعت: “فيلم فرقة موت، أحمد عز، آسر ياسين، القمر منه شلبي، الجميلة أمينة خليل، مع السوبر ستار دائما، محمود حميدة الإضافه لكل عمل، إنتاج .هشام عبد الخالق.. إخراج أحمد علاء.”