“ليه احنا كعرب مانتحدش؟”.. كوكا يندد بجرائم الاحتلال الإسرائ

01:30 ص


الأحد 22 أكتوبر 2023

كتبتهند عواد:

ندد لاعب المنتخب المصري أحمد حسن كوكا بجرائم الاحتلال الإسرائيلي، وذلك في تغريدة عبر حسابه بموقع التواصل الاجتماعي “إكس” تويتر سابقا.

كتب كوكا: “بنصحى كل يوم نروح شغلنا مُجبرين عشان أهالينا وأولادنا اللي مسؤولين عنهم وقلوبنا فيها ألم ووجع على أحبابنا وأخواتنا في فلسطين، في كل ثانية بتمر خبر جديد أبشع من اللي قبله، بنتصور إن خلاص مفيش أوحش من كده ممكن يحصل، بس مابنستناش كتير ونلاقي اللي أبشع منه”.

أضاف: “أعتقد إن بعد ما قصفت إسرائيل المستشفى والمدرسة والكنيسة وكل شيء محرم، ضاربة بالقوانين الدولية عرض الحائط، بدأت بعض الناس تستوعب إن ليس لديهم قلب و لا رحمه، بدأت تتغير الأراء ، لإن بجد صعب جداً إن يقف شخص في صف كل الشيطانية دي”.

واصل:”أب بيشيل عياله أو أعضاء من عياله في كيس بلاستيك، أجسام من غير رؤوس، كل الوحشية دي ولسه مفيش حاجه توقفهم لحد اللحظة دي وبرغم قساوة كل اللي فات، ولسه كتير من المجتمع الغربي لا يستنكر أصلا اللي بيحصل، خلاص كلام بلغتهم مالوش لازمة عشان كل حاجه واضحة، ليه احنا كعرب مانتحدش؟، أنتم متخيلين قوة كل دولة عربية؟، أنتم متخيلين لو كل الدول العربية تصدوا لأي عدوان على أي دولة عربية”.

اختتم:” ممكن تكون فيه أبعاد سياسية تانية أنا مش فاهمها، و ممكن كمان يكون تخيلي ده قاصر، لكن اللي أعرفه إن الاتحاد قوة، والقوي هو اللي بيتعمل له حساب”.

يذكر أن هناك العديد من لاعبي كرة القدم دعموا القضية الفلسطينية عبر حساباتهم الرسمية، منهم أحمد حسن كوكا وكريم بنزيما ولاعبو الدوري المصري.

بنصحى كل يوم نروح شغلنا مُجبرين عشان أهالينا وأولادنا اللي مسؤولين عنهم وقلوبنا فيها ألم ووجع علي أحبابنا وأخواتنا في فلسطين ، في كل ثانية بتمر خبر جديد أبشع من اللي قبله ، بنتصور إن خلاص مفيش أوحش من كده ممكن يحصل ، بس مابنستناش كتير ونلاقي اللي أبشع منه، اعتقد إن بعد ما قصفت… pic.twitter.com/omrQLrm21i

— Ahmed Hassan Kouka (@HassanKouka) October 21, 2023