04:41 م
الأحد 03 سبتمبر 2023
كتب: هند عواد
كشف حمدي فتحي، لاعب الأهلي السابق والوكرة القطري حاليًا، تفاصيل انتقاله للدوري القطري وانضمام إمام عاشور إلى الأهلي.
قال حمدي فتحي خلال مداخلة تليفزيونية على قناة “أون تايم سبورتس”: “شكل المنتخب كويس ومركزين في أفريقيا اللي جاية، حتى لو ماتش ودي مركزين إننا نكسب”.
وتحدث فتحي عن الدوري القطري قائًلا: “السنة دي الدنيا اتطورت بشكل كبير الدوري القطري بقى قوى جدًا، كل الفرق مدعمة صفوفها بلاعبين جيدين”.
أضاف: “هنا مهتمين بالدوري جدًا وبيحاولوا يطوروه، أنا شايف إن الدوري السنادي قوي جدًا”.
أوضح حمدي فتحي الفرق بين الضغط الجماهيري في الأهلي والوكرة القطري، قال: “الضغط الواحد هو اللي حاطه على نفسه، إن هو عايز يحقق حاجة كويسة”.
أشار حمدي فتحي إلى أن المفاوضات مع فريق الوكرة بدأت في رمضان الماضي، وعلق: “مكنتش حابب أتكلم عشان الفترة دي كنا مركزين جدًا وأنا كنت عايزة اطلع بصورة كويسة”.
أكمل: “كولر قعد معايا وقالي أنا مش عايزك تمشي بس هو احترم رأيي، وأنا اتكلمت معاه في الموضوع وإن ده أحسن وقت أمشي فيه، إن الواحد يطلع من الباب الكبير بعدما حققت 5 بطولات مع النادي ومقدم موسم أحسن مواسمي مع الأهلي”.
أضاف: “كنت عارف إن الأهلي عايز إمام من فترة كبيرة، هو اتكلم معايا في المعسكر قبل اللي فات وقولت له يا إمام لو معندكش حاجة في أوروبا أنا شايف إنك تلعب في الأهلي”.
اختتم: ” باركت لإمام على الانضمام إلى الأهلي، وكنت أتمنى يبقى معانا قبل موضوع الوكرة لإنه لاعيب كبير وهيفيد النادي”.
يذكر أن حمدي فتحي انتقل إلى الوكرة القطري خلال الانتقالات الصيفية الحالية، وشارك مع الوكرة أمس ضد السد القطري في الجولة الثالثة من دوري نجوم قطر، وانتهت المباراة بالتعادل السلبي.
