10:54 ص
الثلاثاء 15 أغسطس 2023
كتبت شهد القاضي:
شاركت الفنانة كارمن سليمان متابعيها صورة لها بصحبة زوجها الفنان والملحن مصطفى جاد.
ونشرت الصورة عبر صفحتها بموقع التواصل الاجتماعي “انستجرام”، من خلال خاصية القصص القصيرة، وظهرت برفقة زوجها داخل السيارة.
وأثار تصريح الملحن مصطفى جاد الغضب بقوله أن الفنانة كارمن سليمان هي صوت مصر الأول.
وفي أول تعليق له بعد تصريحه، كتب جاد عبر صفحته بموقع “فيسبوك”: “تتفقوا أو تختلفوا معايا مش مشكلة.. ده مش بس رأيي ده توقع لمستقبل صوت مصر النسائي الأول بجدارة وعن استحقاق خلال سنين قليلة قوي جاية”.
وأضاف: “أنا مش بس ملحن أنا Music Producer وعندي رؤية ومشروع والموضوع بالنسبة لي معطيات ومؤهلات وشغل سنين ونتايج ومسؤولية وإحترام للموهبة”.
واستكمل: “اللي مش شايف ده دلوقتي هيشوفوا بعدين ومش عيب إنك تكون معندكش الرؤية دي بس العيب إنك تدخل في خناقة معايا عشان رأيي مش عاجبك”.
وأثار الملحن مصطفى جاد الجدل، عند سؤاله عن “من هو صوت مصر الأول؟”، خلال لقائه ببرنامج “Gossips”، إذ قال أن صاحب اللقب هو وزوجته كارمن سليمان، وأجاب قائلا: “صوت مصر الأول هو كارمن سليمان.. سيبك من الدبلوماسية.. واللي يعاركني يعاركني”.
لتقاطعه سليمان، قائلة: “لا لا طبعا.. صوت مصر ده بيتنقل كل شوية لحد، وده بيكون أصلا بسبب الجمهور، هو أصلا صوت مصر هو أم كلثوم، بس كل حقبة زمنية بيكون في صوت الناس بتحبه جدا وبتجمع عليه جدا”.
