07:49 م
الأربعاء 14 يونيو 2023
كشفت الفنانة الشابة منى هلا، عن حبها الشديد لمهنة التمثيل، لتسقط الدموع من عينها خلال حديثها عن المهنة.
وقالت منى هلا، باكية، ببرنامج “الستات”: “ببقى حساسة جدا لما بتكلم عن التمثيل .. أنا فعلا بحب المهنة دي جدا من قلبي وكل الناس اللي درست معاهم أو اللي بدرسلهم بحاول أفهمهم إنه مش كلام بنحفظه ونطلع نقوله وخلاص ولا هي حاجة بتتعلميها وخلاص .. هو مجهود و بتحطي فيه من صحتك وطاقتك ووقتك ومن عقلك ومن روحك ومن قراياتك .. أنا مش بعيط عشان أنا زعلانة ده شغف أنا فعلا بحب التمثيل للدرجة دي لما بتكلم عنه بلاقيني حساسة جدا وعايزة أعيط”.
وأضافت: “التمثيل علمني إني لا أخجل إني أوري مشاعري لحد .. إنتي بتكوني واقفة على المسرح بتعري روحك قدام المتفرج إحنا بنقولها كده في مدارس التمثيل.. وبتوريله ضعفك الإنساني ودي حاجة مش سهلة.. دي مهنة أنا بحبها وبحترمها جدا وأنا فعلا فخورة إني بشتغل الشغلانة دي”.
يذكر أن، أخر أعمال منى هلا هو مشاركتها في سيت كوم قطري بعنوان “بستان الشرق” وعرض في أبريل 2022.
